Green Machines, бренд на БРАКО, учествуваше на PWX 2026 во Хјустон, САД – еден од значајните настани за секторот на јавни и комунални услуги во Северна Америка.
Заедно со нашиот дилер за Тексас, IDS Equipment, на саемот ги претставивме GM720ze и GM500ze – целосно електрични машини за чистење на урбани средини, развиени и произведени во Македонија.
Изложените машини привлекоа голем интерес кај посетителите и беа одлична можност за средби и разговори со професионалци од секторот за јавни и комунални услуги, претставници на градови и потенцијални корисници на Green Machines технологијата.
Присуството на PWX е уште една можност Green Machines и производите на БРАКО да бидат претставени на американскиот пазар и пред професионалната јавност во САД.